الى سواه صح أو غلط
واحد من الاهل قرر يتزوج..
قال حق اهله ان راح اختار الى ابيها..
تفاجاوا بعد مدة ان يبى يتقدم لبنت كويتية
مطلقة
عندها اولاد
اكبر منه
طبعا امه ينت وقالت له لو شنو ماتتزوجها انت عزوبى واول زواج لك
وتوك ماكملت ثلاثين سنة شفيك خلصوا بنات الناس
صاحبنا مارد عليهم
حط ريل بالارض وريل بالسما اتزوجها يعنى اتزوجها ...
بعد مدة تزوجها واهله ماكانوا راضيين وايد بس مااقدروا يمنعونه
الريال الحين اموره طيبة الحمدلله
عنده عيال من زوجته وعايش معاها بسلام
لكن شرايكم بالى سواه..
فى مشكلة اذا تزوج وحده اكبر منه وعندها عيال من زواجها السابق
انا حزتها كان رايى انه مايتزوجها لكن طبعا احتفظت فيه لنفسى لان الولد ماامون عليه وايد
الحين اقول الله يوفقه ..
posted by yokin2007 @ 11:32 PM
21 Comments:
المشكلة إن إحنا في المجتمع ما نتقبل أن شاب يتزوج وحدة أكبر منه أو مطلقة وعندها أبناء، لكن الله سبحانة وتعالى ما حرم هذه الأشياء والدليل أن الرسول صلى الله علية وسلم تزوج من أرملة وعندها أبناء وأكبر منه علشان يورينا أن هذه أمور مسموحة وتصير، الله يوفق صاحبك، لو أهله فكروا لو أن ولدهم كان عنده عيال وتوفت زوجته وعنده أبناء صغار مو كانوا راح يدورون له على زوجة ترعى أولاده، وهل في زمننا هذا في زوجة تحب أبناء زوجها كما تحب أبناءها؟ المشكلة في الناس لو كل إنسان فكر في الشىء على نفسة جان تغيرت أمور كثيرة، فالمرأة تصبر على فراق الرجل ولكن الرجل لا يصبر على فراق المرأة
الله يوفقه....ما سوى شيء غلط واهم شيء ان فكر فيها زواج...:)
لو كان امسايس اهله شوي لان رضاهم مهم..:)
العين الساهرة كلامج على العين والراس مشكورة...
الصراحة الناس تفكر فى مصلحتها بس وهذا شى اكيد
يعنى لو اهل الولد هذا عندهم بنت ولها عيال ما يبون يزوجونها
بس لى صرتى مكانهم النظرة تختلف
الاهل يبون الشى الزين حق عيالهم
...
مشكورة على المشاركة الحلوة
كويتية
اكيد اهم شى ان فكر بالزواج
بس شوفى على كلامج
للحين امه ماخذه بخاطرها وتحسين انها ماتحب الزوجة مثل حريم عيالها الثانيين
بس شتسوى مضطرة علشان ولدها
..
بالنسبة لي ما كان لازم يزعل اهله عشان وحده يحبها .. المسايس زين بس بنفس الوقت اهله معاهم حق ولدهم
ولو ما تزوجها هم جان صار غلطان لانه اهو الي حبها واختارها واهو يدري بظروفها يعني التصرف الي سواه صح بس اختياره نوعا ما في نظر وبالنهاية الزواج قسمة ونصيب ويمكن ربك كاتبله الخير في هالي عندها عيال مو الي ما تزوجت .. الله يوفقه على كل حال وانشالله يرضون اهله عاجلا ام اجلا =)
al7emdelaah alaah eywafgaa
traa al3omer 3omraa makaan moshkelaa bain almetzawjean oo salft enhaa em6algaa traa hathaa moo 3aib bel bent lanaaa ent matadree shenoo al9'oroof elly mart feyhaa hal bent fee alwa7ed ma7akom 3alaa alketaab men 3enwanaa
ahm shy enhom mestansean m3 ba3a9' ;)
مجتمعنا للحين عايش ايام بو جهل
الحرمه ما تفرق عن الريال بولأ شي
بس الرياييل عندنا يقولون شايلين عيوبنا وطايحين له طلاق وزواج
المطلقات مساكين بس تتطلق خلاص تصير شينه ليش ؟؟؟
والعمر عمره ما كان عائق للزواج اهم شي التفاهم والمحبه
منوووية:)
عجبنى كلامج ان هو الى حبها
صج لو انه حبها وتعلقت فيه وبعدين هدها جان البنت انضرت من جديد :)
كوسيم فرى
:)
اكيد ماحكما عليها من اول مرة..والطلاق مو عيب بالمرة يمكن المشكلة من الريال الاولى...
\لكن اختياره صاحبنا كان جريئ ومخالف للسائد بين اهله والعايلة علشان جذى شبو عليه الناس
حسنوه
انا معاك اهم الشى التفاهم والمحبة...والطلاق مو عيب يشين البنت
عسى الله يوفقه .. ودام هذا اختياره اهوا راح يتحمل ايجابيات وسلبيات هالزواج
والله يعين المره اللي خذاها من الكلام اللي بيطلع عنها
عندنا نفس هالحادثه بعايلتنا .. ريال ماشالله عليه منصب وحاله ويوم قرر ان يتزوج اخذ وحده مطلقة .. تعال اسمع الحجي اللي انقال عقب مااخذها مسكينه
عادي يقولون عنها انها مسويتله سحر..وعاااادي يسمعون كلام لين قبل
عموماً اثنينهم كبار ودام هذا اختيارهم مثل ماقلت يتحملون النتايج حلوة كانت والا مره :)
هلا بريلاكس:)
الحادثة تتكرر وايد فى العوايل كلامج صحيح
الفرق فى موضوعنا العيال..وانه اصغر منها بالعمر
اول شيء سعدت بزيارتك لمدونتي البلوقية :)
وبالنسبة لموضوعك .. انا عندي اللي اقوى من موضوعك :/
تمرد الأبناء ظاهرة بالمجتمع الصراحة :/
بس دام هالشيء بالحلال فليش لأ؟؟؟؟؟؟
لا الله ولا رسوله مانعوا او كرهوا هالشيء
اصلاً اتوقع ان صاحبك هذا له اجر اكمال دينه واجر الستر على الوليه وعيالها وكله بالحلال والحمدلله
الله يهنيه .. بس كمجتمع كويتي تحكمه العادات والتقاليد الخزعبلية وليس شرع الله .. فما يتقبل هذا الأمر المحلل من الله سبحانه ..
شنقول :/ بيني وبينك لو انا ما اسويها :)
الله يوفق جميع الأزواج ويستر عليهم انشاءالله
موتني ضحك على البروفايل مالك :/ تخلينا ندعي الله ما يفوزنا بأي بطورله عشان ما ننحرم منك لول
ye3ni wa3alaya el m6aliga malha rab...7'ala9e nimsa7ha min "9amoos el a7ya2e!!! el rayal el m6alig malyoon bint tabee wil ahal era7boon fee...ma3a el asaf mujtama3e munafi"9 o mutana"9i'9...el muhim el tafahum..
ana wayed shakli e7tadait bs tara ana mani m6aliga wala 3anis bs 7abait agool kilmat el 7ag :)
ان كويت
:)
نورت وشرفت واهم شى عجبك مال المنتخب
:)
me
لا مااحتديتى بالعكس خذى راحتج
الموضوع له اكثر من نظرة وكل واحد يتكلم من قناعاته الخاصة
:)
وشكرا
انا ما الوم امه لانه لو انا بمكانها جان مارضيت لانه ودى اشوف ولدى يكون ما اخذاحسن واحلى البنات صغيره وحلوه وطبعا ماتكون كتزوجه وعندها اعيال واكبر منه
بس اذا الواحد فكر عدل وزين يشوف انه سعادة لريال مع الي اختارها وحبها حتى لو كانت اكبر منه هاذا الشي مو عيب في المرا مثل الرسول عليه الصلاة والسلام تزوج من مرا ارمله وعندها اعيال واكبر منه التوفيج من الله مو من انها تكون صغيره ومو متزوجه من قبل
الله يوفق صاحبك
كل واحد أدرى بمصلحته
الله يوفقه =)
كويتية
يعطيج العافيه
هذا الحجى ان الام تبى احسن شى حق عيالها:)
كيشى شان
الله يوفقه
وهو ريال يتحمل قراره
بس الصعوبة انه عاند امه وابوه
لو تفكرين فيها تلقين شى صعب وايد عليهم:"(
Post a Comment
<< Home