القروض..طاحت والا ماطاحت
مجلس الامة بيقعدون الاثنين 27/11/2006 حق القروض
تهقون يسوونها ويطيحون القروض والا الحكومة تخرب السالفة عليهم..؟؟
راى شخصيا موضوع القروض حووسة بعرف الى مااخذ قرض شنو راح يعوضونه..؟؟
واحد مقترض عشرة الاف دينا ر وواحد نص مليون يطيحون عليهم..شسسسالفة
الظلم شلون صاير
والا الحكومة والنواب خمة..
الله يعينا عليهم ..
حرامممم اسقاط القروض على ناس وحرمان ناس ثانيينن
..؟؟ شراايكم
9 Comments:
اي والله كلش مو حق هالسالفه يعني انا اتوقع لو يشوفون المجموع حق هالقروض ويوزعونه على الشعب كله يكون اكثر حقانيه من سالفه تطييح القروض بين فتره وثانيه
في ناس تعرف ان القروض راح تطيح فياخذون قروض وناس مساكين خايفه تتدبس بالقروض
مصخره السالفه
الله كريم
انا اقول اذا نجح منتخبنا ببطوله راح تطيح القروض....
شوف اذاصارت مع انها من سابع المستحيلات
خير وبركه .. بس ما اعتقد تصير لان مثل ما قلت اللي ماخذ قرض 2000 غير اللي ماخذ 10000
وبعدين لعب يهال .. اليوم ناخذ قرض وباجر يطيح علي .. اذا ما ابي ما اخذ
والله خل يعطون كل واحد عشرين الف دينار يوسعون علينا فيها
:)
انا مو سياسية كلش ولا افهم بهالسوالف
بس اقول لو يوزعونها عالشعب احسن
حدي ما ادري شسالفة =)
This comment has been removed by a blog administrator.
اليوم صارت الحكومة طنشت المجلس
ماندرى لى وين بيوصلون البلد
الله يهديهم ويستر علينا
...
هلا منوووية
اشدعوة ماتعرفين سياسة عاد
")
قد تكون فوائد القروض مشكلة
لكن مو الحل الاسقاط
الناس لا اتعود انه بيي احد يطيح عليهم كل التواماتهم لأن مثل ما قلت ماراح يكون في عدالة
واللي مو ماخذ قرض مو ذنبه يتكافئ بهالظلم , الناس لازم اتعرف اشلون اتضبط ميزانيتها
المشكلة اللي وايد اشوفها واواجهها بدوامي ايون ناس يقولون احنا عندنا 7 او 8 عيال شلون نصرف عليهم يا اخي من قال لك ييب هالكثر اعيال !!!
Post a Comment
<< Home