هل انت انت..هل انتى انتى ..؟؟
العنوان معقد ماعليه:)
ساعات افكر شنو شخصية البلوقيين
يعنى اذا دخلت بلوق وقريت موضوع مكتوب..افكر هل شخصية الكاتب او الكاتبة فعلا مثل ما كتب وعبر عن نفسه..
ساعات الواحد يحاول يصير عقلانى او عاطفى او صادق او ذرب لكن فى الواقع يكون شخصية ثانية
ساعات يكتب كلام يعجز يعبر عنه فى الواقع ويواريه خلف قلبه وعقله..
ياترى ..هل انت فى البلوق كما تكون فى الواقع..
وهل انتى فى البلوق كما تكونين فى الواقع..
سؤال اتمنى تجاوبونى عليه..
وعلشان اكون صادق معاكم ابدا اول واحد اجاوب..
بكل صدق واسف انا ( احيانا ) فى البلوق غير عنى مع اهلى وربعى
..
يعنى انا..مو انا..
؟؟
16 Comments:
كسخه كسخه اول كومنت =)
انا انا وما اقدر اكون غير انا مع بعض التحفظات في البلوق طبعا =)
هلا بمنوية..وينج يالقاطعة ....:)
خوش انتى انتى خلاص خذينا اجابتج:)
خوش موضوع
أنا وايد أحلل شخصيات البلوقرز من اللي يكتبونه أحس حتى لو الواحد متحفظ لابد ( اهو شي لا بد ) ان تتوصل ولو لمحة من شخصيته
انا عن نفسي مثل ما أنا أتحلطم وانتقد بس أحاول انتقي العبارات اشوي اما اذا منت معصبة والا مكتئبة ما احب اكتب أحس أصير أم النكد أنا مالي خلق عمري فامتنع عن الكتابة حتى اشعار آخر
هلاو يوكن ما صرت حوت لما الحين =) ؟؟
عرووس عروووس الله يكثر افراحكم كل يوم عرس ماشالله !
بصراحه انا أول مرة أدش البوست مالك
و يعطيك العافية على المواضيع الحلوة
انا عن نفسي احس اني انا
لأني بطبعي احب اتغشمر وايد
والبوستات مالتي أغلبها ضحك
يعطيك العافية
منووووية
منو العروسس مبرووك ان شاء الله :)
تويتى
يالخطيرة شلون حللتى شخصيتى عاد
لووووول
الا الكااابة مرضضض الله يكافينا شره
:)
physio-80
حياك الله نورت البلوق:)
ومشكور على المشاركة
انا انا
وفعلا موضوع شيق راقي
تفكير ذكي
احس البلوق انعكاس عن ذاتي
براك وسالفة قلب
:)
يعطيكم العافيه..وهذا احلى شى ان البلوق يعبر عن حقيقة الواحد
هذي اول زياره لبلوقك و يعطيك العافيه على البوستات الحلوه
انا عن نفسي بالبلوق و بالبيت و بالشارع و بالجامعه كله نفس الشيء و مثل ما قالت اختي منويه مع بعض التحفظات في البلوق شيء اكيد :)
و كل بوستاتي نقلا من الواقع و اغلبها سوالف واقعيه صارت لي فانا وين ما كنت مثلي ما اتغير :)
و يعطيك العافيه ما قصرت على البوست
سلامي لك :)
elq8 7obi
حياك الله اخوى وتسلم على الزيارة
ومدام انك انت انت فهذا شى طيب ")
البلوق ماهو الا انعكاس عن ذاتي
مثل ماقالت الاخت سالفة قلب
مرحبا
يشرفني اتواصل معاكم .. مواضيعكم حلووه
ودي اعلق
في اغنيه حلووة تعجبني يغنيها ادم
هذا انا ماقدر اكون الا انا
فعلا هالمدونات تعكس شخصيه وتفكير كاتبها
مع انه في بعض الظروف نضطر نتماشى مع بعض المواقف فيما يتعارض مع طبيعتنا وسجيتنا
عن نفسي انا انا في كل موقف وكل مقام
واكيد اي تصرف يبدر من عندنا لابد انه يكون مرآه لشخصيتنا ونمط تفكيرنا حتى وان غلب المزاج على اكثر تصرفاتنا بس يبقى عنصر الشخصيه الواحده اهي الطاغيه في كل موقف
جني بديت اتفلسف
على فكره انا كنت اعمل اختصاصيه نفسيه ومستعده ارد على مشاكلكم الله يبعد المشاكل عنا وعنكم تحياتي لكم جميعا
نسكافيه نورتى البلوق :)
انشودة المطر خوش حجى شكلج مدرسة او اخصائية اجتماعية :)
Post a Comment
<< Home