ياخوات ياعزيزات ارحمو اخوانكم من قرقة التلفونات
فى عايلتنا وبيتنا المحترم انا وسط شقيقات فوقى وتحتى..
وبحكم العلاقة اليومية والمنزلية فان اكثر شى يبط جبدى اذا قاموا يتكلمون بالتلفون
اول شى وايد من سوالفهن مالها داعى بالمرة وثانى شى يكلمون بعض نص ساعة وساعة ويكونون توهم رادين من طلعة او عزيمة
ثالث شى اذا مايحشون ما تحلى السوالف عندهن...
وانزين انا شعلاقتى بالموضوع..علاقتى انهم لما يتكلمون يكونون قاعدين بالصالة واحنا نطالع التلفزيون اما فيلم او مباراة ..وماتحلى الحنة الا اذا اندمجت مع المباراة فشوفوا شنو السوالف المهمة بينهم...
اتصلت مرة اختى تقول حق الثانية ( بسرعة حطيه على قناة امبى سى 2 شوفو احلام شنو لابسه ..)
ومرة اتصلت فيها تقولها... شرايج البس جوتى كعب والا جوتى عادى وانتو بالكرامة
..
وطبعا سوالف الدوام اليومية وشقالت عبير وشردت منيا وشسوت منور وشسوت حنانو( ماتحبها طبعا )..وعرفت اسامى ربعهم كلهم وخواتهم وامهاتهم وريايلييهم وكل شى عندنا بالبيت
واما البلوة اذا كانوا معزومين على عرس طبعا قبل لايروحون باسبوع وهم ماعندهم سالفة الا شريتى بذلة وديتيها الخياط صلحتيها رديتها المحل عندج شال واى طقم تلبسين وين الفرير باخذ مال فلانة والجوتى لونه مو ماشى والصالون مافيه حجز ومواعيده زحمة والفلبينية الى تصبغ الشعر مسافرة واللبنانية ماااحبها تشرب زقاير ..هذا قبل العرس..
بعد العرس..ططااطططا طططاااطط ازعاااااجججججج
شفتى فلانة وام فلانة شفتى خالتها هذى عمتها لبس العروس مكياج العروس ويه العروس شعر العروس العشا والحلو والتقديم والاثاث وام العروس وخوات العروس والمعرس جيكر والمعرس قصير والمعرس جنه حول والمعرس مشخوط والى رقصت ماتعرف ترقص والدىجى والى يغنى يابو القصار لا يابو الردهان لا يابو وحدة ماادرى شسمها..حجى وااايد شنو يثبتون كل شى وادق التفاصيل حتى لبس الخدامات بالبيت ومسفط السياسيير وليتات المطبخ والشفاط مال الحمااامم لوووول شى مو طبيييعععىىى سوالف عقب العرس باسبوووع
..
انا عندى تسعين رقم بتلفونى ثلاث اربعاهم مااتصل فيهم الا بالسنة حسنة ..وربعى الى اروح وارد معاهم ماادق عليهم الا اذا عندنا شى بنسويه وكلمة ورد غطاها تعالى امرك انطرنى تلعب كرة تروح السوق نروح العزا وفاماللاه..اما هذرة ساعات بالتلفون والله شى مو طبيييعى
المفروض يصرفون لى بدل اذن عن هالقرقة الى عندنا بالبيييت
:)
والله يعين المتزوجين على قرقة حريمهم
لووووول
****
يا خوات ياعزيزاات ارحموا اخوانكم من قرقة التلفوناااتتت
بس مع هذا الله يخليهم ويوفقهم ويخلى عيالهم
posted by yokin2007 @ 11:38 PM
24 Comments:
اول شئ عيدك مبارك وكل عام وانت بخير
بعدين عزيزي انتو يا الريايل ما تقعدون في البيت كل طالعين مع ربعكم وتسولفون في كل شئ واذا رديت البيت ما لك خلق لهم لانك شبعت منهم ام البنات ما عندهم الا التلفون انا اكلم امي وخواتي في اليوم اكثر من ثلاث مرات حق كل وحده فيهم غير المكلامات السريعة والمسجات من الموبايل
خلونا نطلع مثلكم واوعدك اني ما اجيس التلفون
طبعا هذا وعد حرمه هاهاها ولك جزيل الشكر
عيدك مبارك
وكل عام وانت بخير
انا بره القائمه
:)
loooooooooooooooooooool
الله يعينك على خواتك
اشوه انا اخوي مايقعد بالبيت عشان يسمعنا
واذا ماسولفنا جذي ترى مافي سوالف
لوووووووووووووووووول
انا ما احب وايد ارد على التلفون أو اتصل وايد بس صراحة اعترف اني امارس هالنوع من السوالف غير المهمة
احنا البنات ألطف الكائنات الله يحفظنا مو عن شي بس انحب انفضفض ونعبر عن نفسنا بالكلام انت الله يهديك عاد لا توقف بطريج تألقنا
لي سمعت أختك مرة ثانية صد
كل عام وانت بخير
وعيدك مبارك
بنت الشامية هلا ومسهلة كل شى الا الشامية عاد احلى منطقة والله :)
شلون نخليكم تطلعون مثلنا الحين البنات مسابقينا مسابق على مكان والدليل مطاعم الشامية لوووول
نورتى الحتة ولا تقاطعين
سالفة قلب ليش بره القائمة :)
وعسى ايامج سعيدة
احلى حب
لووووول
زين هذا اعتراف منج
والاعتراف مقبول
والله يعينى على خواتى والله احبهم الحمدلله ويحبونى لا تحاتين :)
تويتى
من ناحية انكم احلى الكائنات والطفها هذا الكلام ماعليه خلاف :)
بس شلون اصد تصدقين حتى اذا تكلمت بالموبايل تقعد معاى بالصالة انا حاط برشلونة والا ريال مدريد وهى طايحت له هذرة
لووووووول
ومشكورة وايامج سعيدة :)
كل عام وانت بخير وعيدك مبارك
احنا غير عنكم انتو بطبيعتكم ما تحبون الحجى بالتلفون وايد عكسنا احنا الحريم والبنات انحب انتكلم بالتلفون اكثر منكم لانكم انتو تطلعون واتشوفون ربعكم واتسولفون معاهم بالطلعه مو مثلنا احنا لا انكلمهم بالتلفون
:)))) اخنا غير
بعدين قول ماشالله
:))
بره القائمه لاني ماامسك التلفون
الا اذا عندي سالفه مهمه
اهني صج اطول
اسرتي ماتعاني
الحمدلله
كيتى
لوووووووووول
اى والله انتو غير هذى هم سلمنا فيها :)
انتى يعطيج العافيه تقدرين ظروف الريياييل الى عندج بالبيت اما احنا لااا
عندنا ديموقراطيةةةة خطييرة بالتلفونننن
اصلا اختى الى بالجامعة
اذا مسكت تلفون البيت نوو وييىى ماتهده اروح وارد واتعشى واطله والعب كرة كل شى اسوى وهى على قعدتهااا
عينى عليهاااباردة
كويتييةلوووولل
ماشاء الله لا تخافين عينى باردة الحمدلله
للوووول
بعدين على شنو على القرقة
لووووللل
سالفة قلب شكرا على التوضيح
تدرين شنو المشكلة
المشكلة ان بعضهن عندهن كل السوالف مهمة
من سالفة دكتور الجامعة الى سالفة الهام الفضالة وسالفة الكلنكس بالسيارة لما خلص ...والللخخخخ
كلنكس السياره خلص
هههههه
مت من الضحك
سالفة قلب
لووووول
ترى من صج :)
المرة الياية اقولج قصة الكلنكس لما خلص
لووووووووول
مشكله وايد عوده
شوف الريال اللي ما يسلك روحه مع اهل بيته عمره ما راح يسلك مع مره ...اي زوجه
انت تشوف هالشي تافه ,,,واحنا نشوفه مهم
ونشوف روحة الدوانيه ...والمعاشات اللي تيمعونها عشان تشرون طراد شي تافه ...الخ
اذا الواحد ما يقدر طبيعة الثاني ما تمشي الحياة
المرأه عندها باليوم 70الف كلمه لازم تقولهم
الريال عنده 40 الف
فقدرواااااااااااااااا
المره اتحجى لأنها بالكلام تنفس عن اللي داخلها
شلون المباراة عندك مهمه ...نفس الشي اهي تليفونها مهم ...
حط سماعات استيريو بالصاله
تلبس كعب ولا سحاكي هذا موضوع جدا مهم ...شفيك الله يهديك ....
مثل شنو ييمكم للحداق ...مصارين ديايه ولا شي ثاني ...
انصحك نصيحه ادري ما راح تطبقها
اقرى كتاب رجال من المريخ نساء من الزهره
او كتاب اسرار الجنسين تحصله بمركز سلطان من ضمن مجموعه الفراشه :)
وان شا الله تفهمنا اكثر ....عيل عرفت اسامي ربعهم هههههه
عتيجة
لووووووووووووول
والله ضحكتينى :)
يم الحداق شى لايقدر بثمن الله يهداج بس
:)
كتاب الزهرة والمريخ شريته العام من دبى وقريته..فيه سوالف حلوة مش بطاله..
صدقينى ودى افهمكم اكثر..
ومشكوورة على النصايح..ستريو بالصالة لووووول...
لا بحط هرنات احسن
:)
والله مادري شاللي خلاني ارد مره ثانيه ..بس تذكرت شنو سماعات ستريو ..سماعات هتفون ...ههههههه
بس والله ياخوي ..احنا بيتنا كلا حريم ..ابوي تأقلم معانا ...خنت حيلي (ابوي عنده ست خوات)
..ساعات يتطنز ..ساعات بس اغلب الاحيان متأقلم ..وساعات ما نضطر ندق على بعض اهوه يعطينا رايه وخلاص ..يبا اي احسن هالبدله ولا هالبدله ...اي احسن البس هالجوتي ولا هالجوتي ...عزك الله
ايهم لايقين اكثر ..وساعات ايي السوق معاي وبعض الاحيان اهوه يعلق بدون ما نقوله او نسأله ... طالعين ولا رايحين مكان معين ...يا بنيه ودايم يقولي يا ام مضحي ..لبسي كعبج البني احسن تنورتج طويله ولا لبسي سحاكي اخاف نمشي وايد ....وبالمقابل اهوه تطبع فينا ..24 ساعه يا شاري خام يا رايح الخياط يا شاري جوتي ولا نعال يديده عزك الله وغرااامه لدلاقات واشوه ما يحب الساعات ولا جان انتهبنا...
لمراد من السالفه
عسى الله يرزقك خمس بنات مثل ابوي وكل وحده تييب خمس بنات .... ويزورونك سبع ايام بالاسبوع
وودي اشوفك وضعك عقبها لوووووووووووووول
لاتعليق
الله يغربل ابليسك ماخليت شي ماقلته
بعدين الله يهداك انت قاط الاذن ;p
المفروض يصير عندك قدرة على العيش بأجواء الازعاج :)
على قولت ام رفيجتي .. خل يصير عندكم فن التغافل --> مقروده ماتنلام اكيد بيصير عندها فن التغافل
وبعدين انا اشوف الوضع عادي يعني شالمشكله .. وحده مادري عنها من سنة يدي اكيد بتقولي اشسصار واشماصار خلال هالسنين :) يعني شي طبيعي بتاخذ اكثر من ساعه
^_^ فيعني take it eezee
عتيجة
لووووووول
الله يخلى لكم ابوكم ويطول عمره..
والظاهر فى شبه بينى وبينه لانى احب اشترى دلاغات شتوية ..الوانها وخاماتها تلفت نظرى واستانس عليها:)
وترى انا بعد صاير خبرة خواتى ينشدونى شرايك بالشى هذا ...
بس انا اطفرهم اعطيهم اراء قاتلة كله محبطهم
لووووووووووووول
:)
ريلاكس
انتى صج ريلاكس حده
اموت على البرود انا :)
شلون التغافل يعنى
اذا هى بحضرتها تقعد يمى على القنفة
واذا قامت تسولف لازم اسمعها
لا بعد انتى ماسمعت بعض رفيجاتهم
لووول
والله جنهم طقاقات اسمع حجيهم من بعد كيلوين لوووووللللل
اى والله يصرخون كل حجيهم
واااى ولااا وامبيييه
وكله كلك فى كلك ..
الله يهديهم بس
عتيجة تقول من الزهرة اى زهرة
الا بطاط وفلافل
لوووووووووووووول
:)
ويه ويه ويه هذا وانت عزوبى
عيل تعال شوف اخوك لما يركب السيارة مع مرته
ودى اسمع سالفة مفيدة يسولفون فيها الحريم ماااااااكو
الله يعينك بس هم تدرى شلون هذا كورس لك علشان اذا تزوجت ما تنصدم :))
هلا باخوى مشارى
الله يعينك وياكثر هالدروس الى الواحد ياخذها قبل وبعد الزواج:)
نورت الحتة يا جدع
اكيد الخوات هني ردوا عليك بالرد الشافي
بس حبيت اقولك حسبي الله عللى بليسك فضيحة ما تستر شي اكو احد يفتن على خواته جذي والله لو اخوي اذبحك
بعدين انت قريت مدونتك صكيت على البنات بالتحلطم
الله يهديك بس
Post a Comment
<< Home