ابتسامة موظفة بنك برقان
حسابى الغالى احم احم فى بيت التمويل..
بيت التمويل على فكرة اخيس بنك فى التعامل مع الناس
لكنى الحمدلله قابل اتعامل معاه لان البنوك الثانية ربوية
فانا راضى اتعامل مع ناس دايخة لكن فلوسى ومعاملاتى ان شاء الله بعيدة عن الربا والحرام
..
شريت تذكرة سفر من الجزيرة حق دبى بعد جم يوم ان شاء الله
اضطريت اعدل موعد السفرة قالولى طيران الجزيرة المحترمين روح ادفع الفرق عند بنك برقان..ليش برقان ماادرى المهم انا رحت
يوم السبت بنك العديلية والا مسكر...
الاحد رحت والا البنك فى بنيان وتجديد وناقلين الموظفين الدور الثانى
دخلت البنك ..
الموظفين اشكالهم غير
شلون غير
الشباب باسجين وكلهم شكل واحد ..
حتى كلهم نفس الطول ...لووووووووووووول
خذيت رقم من الاخ المحترم حارس الارقام فى البنك
لما يا دورى
عند اخت موظفة
الصراحة استقبالها راقى ونفسيتها محترمة
ومن كثر ما تبوسمت بويهى بغيت اعطيها فلوسى حقها وامشى
لوووووول
صج صج..
يقولون البنوك تلزم موظفينها بالابتسامة والمعاملة العدلة مع العملاء
بس الطريقة هذة مع انها حلوة لكن اعتقد تحرج الموظفات مع المراجعين
يعنى يمكن اى واحد اثول يفهم ابتسامة البنت وطيبة نفسها شى ثانى
واعتقد هعذا شى وارد حيل فى الكويت
ولا اذا صار المراجع عفلنقى من هالمصبنة او عقيدى مو شايف خير
انا عجبتنى المعاملة لكنى لو شنو مااحول حسابى لبرقان وهم اعتقد
موحلوة شغلة البنات بالبنوك
المهم دفعت الفلوس ورديت البيت..
والصج الصج
مانسيت ابتسامة موظفة برقان
كانت ابتسامة ذهبية
الله يوفقها ويستر عليها
.
posted by yokin2007 @ 5:29 AM
13 Comments:
الحمد الله انا اول نحده ... يا حلوي
اييه هذا التعامل الراقي ... ايه
بعد ليش معاشاتهم قويه الا من هالسبه لازم الاسلوب راقي والمعامله الحلوه اللي تلاقيها
بس اللي انا اعرفه.. ان عادي الخص يشتغل فيه البنوك بس اهم شغل انه ما يتعلق بالقروض.. والرأي الثاني عكس الري الاول
وبيت التمويل .. وما ادراك فيهم .ز وييييع المعامله جنك داخل وزارة العدل .. المعامله وانت بكرامه زباله
ابتسامتها ذهبيه ....
حشى خط ايزي لاقيه بتيب توب مو ابتسامه
سمايل
:)
هلافيج يالكشخة يااول وحدة
بيت التمويل جنه وزارة العدل
لووووووول
شمعنا العدل كل الوزارات دااايخة
..:)
ليش القروض بس حرام حتى الحسابات الى فيها فوائد وحتى الجوائز المليونية كلها مشبوهة ..والله اعلم
عتيجة ..شنو تيب توب مااعرفه
اقولج ابتسامة ذهبية يعنى حلوة وتكسر العين :)
اول شئ عسي الله يزيد فلوسك
كله اقول لعيالي صبوا ماي غلي فلوسكم تري تزيد مثل الزرع :)
وبعدين انا سكرت حسابي في بيت التمويل لاخلافي معاهم ايام المنحة الاميرية الاولي يبون يخصمون دينار اذا سحبت منهم المنحة كاش كل البنوك ما تخصم الا بيت التمويل يوم سئالت ليش قالوا سياسة البنك شان احتر منهم وسكرته
انا الصراحه ما اشوف في معاملتهم شى.. كفايه بنك اسلامى
الصراحه الابتسامه والترحيب لازم يكون شى اساسى فى التعامل
لان وايد تأثر على المراجع
وهذا ما يفقتره الموظفين في الحكومات وخاصته جامعه الكويت
بنت الشامية هلا فيج
الله يسلمج خوش دعوة :)
بيت التمويل عليهم حركات بايخة صج @!@
سنعة ولكن :)
احنا شنو الى خيلنا صابرين عليه غير انه بنك اسلامى
حتى بوبيان دايخ للحين ماسلك :)
اصلا بيت التمويل جنه مستوصف مو بنك تاخذ رقم وتقعد تنطر لين تنبط مرارتك
وبعدين المعاملة زفت والمعاملات كلها غلط
بصراحة مع ان انا افكر بين فترة وفترة ان احول راتبي عندهملانهم بنك اسلامي فقط لاغير بس مااقدر مااقدر
شاتربوكس
توكلى على الله غير حسابج ولا تترددين
اى والله جنه مستوصف
لوووول
اي والله كافي انه بيت التمويل اسلامى
بس والله حتى معاملتهم اوكي حلوه مافيها شي شنو يعنى يزوفون مثلا ولا نفسيتهم خايسه انا صراحه ماشفت منهم شي
كويتية..
والله نفسيتهم مو شى نفيسة على شنو ماادرى
بعدين مافاهمين زود بالشغل يمرضونج..:)
ما شفت ان تعاملهم مو شي عادي يعني...:)
روح شوف البنك التجاري كلهم مسوين لبس موحد ههههههههههه
جنهم بالمدرسه ;PpPp بس احسن تصدق @@
Post a Comment
<< Home