الى سواه صح أو غلط

واحد من الاهل قرر يتزوج..

قال حق اهله ان راح اختار الى ابيها..

تفاجاوا بعد مدة ان يبى يتقدم لبنت كويتية

مطلقة

عندها اولاد

اكبر منه

طبعا امه ينت وقالت له لو شنو ماتتزوجها انت عزوبى واول زواج لك

وتوك ماكملت ثلاثين سنة شفيك خلصوا بنات الناس

صاحبنا مارد عليهم

حط ريل بالارض وريل بالسما اتزوجها يعنى اتزوجها ...

بعد مدة تزوجها واهله ماكانوا راضيين وايد بس مااقدروا يمنعونه

الريال الحين اموره طيبة الحمدلله

عنده عيال من زوجته وعايش معاها بسلام

لكن شرايكم بالى سواه..

فى مشكلة اذا تزوج وحده اكبر منه وعندها عيال من زواجها السابق

انا حزتها كان رايى انه مايتزوجها لكن طبعا احتفظت فيه لنفسى لان الولد ماامون عليه وايد

الحين اقول الله يوفقه ..

عيدكم مبارك

عيدكم مبارك

وتقبل الله طاعتكم

رمضان هذا نزل وزنى كيلوين

نعمة كنت 87 صرت 85

...

دشداشتى لازم اوديها المصبغة ومالى خلق..

عندى صار لها ثلاث اسابيع تصدقون ..

انا صج رايح فيها

وديت الغتر وماوديت الدشاديش

ماكو الا الخدامة اخر شى تكويها...

..

امس رحت مجمع زهرة

القهوة الى تحت تونس

عندهم سحلب..

تعرفون السحلب..ترى حلو بالشتا..

المجمع هذا احبه..هادى وصخة ومافى هيلق وخمة..

مع انى ماالقى شى اشتريه حقى..بس يالله...حق وساعة الصدر ينفع..

...

قعدوا يمنا ثلاث عيايز..لول

والله خفيفين دم..ينطرون بناتهم يخلصون من السوق...

قعدوا يمنا بعد بنات مصرقعات..

كل سوالفهم عندنا بطاولتنا...

وحدة منهم فاصلة مرة وحدة ماادرى شسالفتها..

لابسة بلوزة قصيرة..وموعارفة شتسوى بعمرها ..اخر شى حطت كوشاية وراها ..

لوول

اى ليش الاذية من اصل لبسى شى سنع وقعدى على كيفج ...

..بعض الربع يبطون الجبد..من ثلاث ايام يدزون مسجات حق العيد ..شدعوة يبون الفكة مالهم خلق يعايدون ويسلمون..

حتى تهنئة العيد خربوها صارت ماصخة...

..شنقول..

عيدكم مبارك وعساكم من عوادة والقاكم بعد العيد ان شاء الله

:)

شى يعور القلب

&&&&&&&

&&&&&

&&&

كنا قاعدين بالدوانية ...والا واحد من الربع الى كله يهايطون ( يتفلسف يعنى )..جان يقول..منو شاف بلوتوث رقص البنات فى مخيم المرشح (..).يوم فاز بالانتخابات..!!

طالعته ...قلت له شنو ؟؟

جان يطلع التلفون وفيه بلوتوث بنات بالجامعة والثانوية يرقصون عقب الانتخابات الاخيرة فى مقر انتخابى بدائرة داخلية يعنى ...

قلت له شلون مخليه بتلفونك...؟؟

انا ماطالعته..والله عورنى قلبى...شلون هذالريال مستانس على البلوتوث هذا..لا وخاشه بتلفونه...تدرون شنو المصيبة..انه متزوج بعد...

والله لو انا لو شايف هالبلوتوث من قبل جان حتى مااسيفه بالنقال..واذاحاطه بتلفونى حتى استحى اقول حق الناس...

شسسسالفة...حتى الخمة ساعات يصير عندهم اخلاق..والله فى ناس عوية ماادرى شلون صايرة ..!!

الله الهادى...سبحان الله

سبحان الله وهو الهادى

كاكا لاعب البرازيل اعلن اسلامه بعد زيارته للكويت

البنات فى الملعب ماتوا من الصراخ عليه والمشاهق والمناهق يبون يغازلونه

وهو يعلن اسلامه..

ويقول ولدت لاكون مسلما

الحمدلله والله يهدينا واياكم للخير فى هالشهر الفضيل

اقروا الخبر

http://www.alarabiya.net/Articles/2006/10/14/28253.htm

سلم ولدهم يالله...خله لامه يالله

ياحلاة القرقيعان طماشة ووناسة وضحك

قبل ناخذ قواطى نيدو ونتفرفر فى الفرجان نقرقع ونشب جراغى ونطفر الهنود

لووووووووووووول

اى شى

عيال اختى قرقعوا اول امس...الى عطاهم القرقيعان السايق مال الجيران

لوووووووووول

والله بربسة

المهم قرقيعان وقرقيعان بيت قصير ورميضان

وسلم ولدهم يالله خله لامه يالله